Рапартуем! 25 лістапада прайшоў краязнаўчы квэст, які быў распрацаваны для праекта "Моладзі аб Беларусі", што ладзіла "Маладзечанская раённая бібліятэка ім. М. Багдановіча". Каманда нашага каледжа таксама прыняла ўдзел і спаборнічала з камандай медыцынскага каледжа. За адну гадзіну патрэбна было адказаць на пытанні і выканаць прапанаваныя заданні. Далей быў тур у бібліятэцы. Разам з групай падтрымкі каманда адказвала на пытанні, угадвала літаратурнага героя і нават пела.
На жаль, наша каманда ўступіла камандзе медыцынскага каледжа, але мы дужа не засмучаліся. Веды, якія мы атрымалі, пашырылі наш кругагляд аб родным горадзе.
