…Пагавары са мной на мове,

Забудзь на час пра “языкі”.

Няхай гучаць у кожным слове

І продкі нашы, і вякі!

26 сакавіка ў чытальнай зале каледжа прайшло яшчэ адно мерапрыемства тыдня філалагічных дысцыплін  -  гульня “Знаўцы роднай мовы”.У інтэлектуальным спаборніцтве прымалі ўдзел групы 1 – БІЯ і 191 – МА. Гульцы, гледачы і журы ўспомнілі цікавыя факты пра беларускую мову, перакладалі, падбіралі адпаведнікі да вядомых фразеалагізмаў, успаміналі назвы побыту беларусаў. У перапынках паміж заданнямі  былі прапанаваны для прагляду кароткія ролікі, створаныя з мэтай папулярызацыі беларускай мовы.

З невялікай перавагай перамогу атрымалі гульцы групы 1 – БІЯ. Спадзяемся, што час, праведзены разам, быў цікавым, займальным і карысным!

Дрыжыць прастор нябес грамовых, у родны край ідзе вясна.

Я зноў пра мову, зноў пра мову — яна, як маці, у нас адна.

Каб белы свет не здаўся вузкім, каб годна жыць паміж людзей,

Любіце мову беларуску, любіце з кожным днём мацней.

У ёй абсяг багроў быленых і поля мудрая душа.

То мова доктара Скарыны, то мова дзеда Талаша.

Яна — жыцця першааснова, яна – стагоддзяў зорны дым.

Калі забудзем, згубім мову, што скажам праўнукам сваім?

                                                                       Леанід Дайнека “Любіце мову”