21 лютага - Міжнародны дзень роднай мовы. У гэты дзень у групе 194-РТ прайшоў урок пазнання бацькаўшчыны, прысвечаны Баранавічам. Максім Валец падрыхтаваў прэзентацыю аб родным горадзе на роднай мове.

Ён расказаў пра ваеннага лётчыка падпалкоўніка Уладзіміра Карвата, які коштам уласнага жыцця падарыў другі дзень нараджэння баранавіцкай вёскі Арабаўшчына. Ён загінуў 23 мая 1996 года пры выкананні вучэбна-трэніровачнага палёту. 21 лістапада 1996 года выйшаў Указ Прэзідэнта аб узнагароджанні лётчыка медалём Героя пасмяротна.

З прэзентацыі даведаліся пра Урочышча Гай - мемарыяльны комплекс, прысвечаны ахвяр фашысцкага тэрору падчас Другой сусветнай вайны.

Максім расказаў, што помнік вераб’ю быў устаноўлены ў 2003 годзе і стаў упрыгожаннем горада і яго візітнай карткай.

У канцы ўрока пілі гарбату з сушкамі, сухарамі, прывезенымі Максімам з Баранавіч.

Куратар групы 194-РТ Ляхновіч М. А.
Фота Андрэя Вярэйкі